આ વિરામ જરૂરી હતો: ટૂંકુ અને સચોટ કાવ્ય | ગુજરાતી કાવ્ય (Gujarati Kavita)

અંત તરફ આંધળી દોટ મૂકી હતી આ દુનિયાએ

એના અંતને ઠેલવવા આ વિરામ જરૂરી હતો

શોખીન તો થયા બધા પણ શોખ ભૂલી ગયા

એ શોખ પાછાં કેળવવા આ વિરામ જરુરી હતો

લોકોએ પક્ષ બદલ્યો, પક્ષોએ સરકાર બદલી

રૂંધાતી લોકશાહી માટે આ વિરામ જરૂરી હતો

રચ્યા કુદરતે દૃશ્યો ઘણા, ઘણા રંગો વિખેર્યા

કુદરતના રૂપને માણવા આ વિરામ જરૂરી હતો

ઈન્ટરનેટ થકી વિશ્વ થયું નાનું, અંતર થયું ખતમ

મિથ્યા એ તોડવા આ વિરામ જરૂરી હતો

નવા સંબંધો બહુ બાંધ્યા, જૂના ટકાવી ના શક્યા

એ જુના સંબંધો તાજા કરવા આ વિરામ જરૂરી હતો

કમાયા થોડું અને વાપર્યું ઘણું દેખાદેખીમાં

એનો હિસાબ મેળવવા આ વિરામ જરૂરી હતો

એકબીજાને સમજાવ્યા સહુએ, ખુદને સમજ્યા નહિ

એ સમજદારી કેળવવાં આ વિરામ જરૂરી હતો

ઓળખાણો નવી વિકસાવી ઘણી અને વાપરી પણ

ખુદની ખુદથી ઓળખાણ માટે આ વિરામ જરૂરી હતો

-અજ્ઞાત

કાવ્ય સ્ત્રોત: ઈન્ટરનેટ પરથી

છબી સ્ત્રોત: Photo by Dan Burton on Unsplash