જીંદગીનો કક્કો: જીવનનાં મૂળભૂત પાઠ ગુજરાતીમાં | (Kakko in Gujarati)

"આ કક્કો જો આવડી જાય તો

જીવનમાં કોઈ તકલીફ ન આવે"

"ક" – કંચન, કામિની ને કાયા

એ ત્રણેય સંસારની માયા.

"ખ" – ખાતાં, ખરચતાં, ખિજાતા

શક્તિનો વિચાર કરજો.

"ગ" – ગદ્ધો, ગમાર અને ગરજુ

એ ત્રણે સરખાં સમજો.

"ઘ" – ઘર, ઘરેણાં ને ઘરવાળી

એમાં જિંદગી આખી બાળી.

"ચ" – ચોરી, ચુગલી અને ચાડી

એ ત્રણેય દુર્ગતિની ખાડી.

"છ" – છોરુંની ભૂલ છાવરશો તો

લોહીનાં આસું સારશો.

"જ" – જાગ્યાં તેનો જશ ગવાશે

ઊંઘ આવી તેનેે ભવ ભટકાશે.

"ઝ" – ઝાઝું દ્રવ્ય, સત્તા ને જુવાની

એ ફેલને માર્ગે લઈ જવાની.

"ટ" – ટોળ, ટપ્પા ને ટીખળ કરે

એ પુણ્ય બાળે ને પાપ ભરે.

"ઠ" – ઠાઠ, ઠઠારો ને ઠકુરાઈ

એમાં અભિમાન ને અક્કડાઈ.

"ડ" – ડાહ્યો જગતમાં એને ગણ્યો

જે નિજ નામને ભણ્યો.

"ઢ" – ઢોલ ને નગારાં એમ ઉચરે છે

ભજન કરો ભાઈ કાળ ફરે છે.

"ત" – તૃષ્ણાથી તરસતો તાવ

સંતોષની ગોળીથી જાય.

"થ" – થોડું કરો પણ સતત કરો

સત્ ભક્તિ માર્ગે ગતિ કરો.

"દ" – દમી, દયાળુ ને દાતા

તે પામે સુખ ને શાતા.

"ધ" – ધર્મ ધ્યાનમાં મગ્ન રહે

એ અમરધામની પદવી લે.

"ન" – નિયમ, ન્યાય ને નીતિ

જેને મળે, સુખની ચાવી તેને.

"પ" – પંચવિષયને તજો તમામ

હરિ ભજી પામો અમરધામ.

"ફ" – ફરી ફરીને ફરવું નથી

ભવસાગરમાં પડવું નથી.

"બ" – બાવળ, બોરડી ને બાયડી

એ શસ્ત્ર વગરની શાયડી.

"ભ" – ભગવંત મૂકી ભોગમાં રમે

તે તો લખ ચોરાશી ભમે.

"મ" – મોહ, મમતા ને માયા,

એમાં રમે નહિ તે ડાહ્યાં.

"ય" – યમ, નિયમને ઉર ધરજો,

સદાય પરમ સુખને વરજો.

"ર" – રહેવું ઘરમાં જેમ મહેમાન

નહીં આસક્તિ મમતા માન.

"લ" – લક્ષ્મી, લાડી ને લોભ

એ પરભવ મુકાવે પોક.

"વ" – વિનય, વિવેક, વૈરાગ્ય ધરો

બ્રહ્મસ્વરૂપ માં પ્રીત કરો.

"શ" – સાધક ગુણ શણગાર ધરે

તેને અમરધામ વરે.

"સ" – સંસાર સાગર ખારો છે

સત્સંગ મીઠો આરો છે.

"ષ" – ષડક્ષરો છે શ્રીમન નારાયણ

મહામંત્ર છે ભવ તારાયણ.

"હ" – હરિને ભજતાં પાપ ટળે

અંતે અમરધામ મળે.

"ક્ષ" – ક્ષમા શસ્ત્ર જે ધારણ કરે

એને ઇન્દ્રિય વિજય વરે.

"જ્ઞ" – જ્ઞાન એ જ જે વર્તન હોય

પરમ બ્રહ્મનું સ્વરૂપ સોય.

You may also like,

• સંબંધોનું સત્ય: નફો કે નુકસાન નહી જોવું | Gujarati Varta
• આહારમાં બ્રોકોલી ઉમેરો: દીર્ધાયુષ્ય માટે ગ્રીન પાવરહાઉસ | Gujarati Article