પત્નીના પિયર જવાના બાદ પતિ માટે છોડી સુચનાઓ: પતિ પત્ની હાસ્ય કથા | Interesting Comedy Story

પતિદેવ ઓફીસેથી ધરે પાછા ફર્યા તો….. ટેલીવીઝન ઉપર ચીપકાવેલ એક કાગળ મળ્યો જેમાં વેકેશન માં પિયર જતી પત્નિએ લખેલી સુચનાઓ.

સુચનાઓ હતી…કે

હું છ સાત દિવસો માટે મારી મમ્મીને ધરે છોકરાઓ સાથે જાઉં છું, આ નિચે લખેલી સુચનાઓ માત્ર સુચનઓ જ નહી વોર્નિંગ પણ સમજવી.

૧-મારી ગેરહાજરીમાં મિત્રોને ધરે ભેગા કરવા નહીં..ગયે વખતે બે ખાલી બોટલો માળિયામાંથી મળી હતી અને સોફા નિચેથી ચાર *લાર્જ સાઇઝ પીઝાનું બીલ મારા હાથમાં આવ્યું હતું…

૨- બાથરૂમમાં ગયા બખતની જેમ શોપ કેઇસમાં મોબાઇલ ભુલી ના જતાં. કોઇને બાથરૂમમાં મોબાઇલ ની શું જરૂર પડે તેજ સમજાતું નથી.

૩-તમારા ચશ્મા બોક્સમાં સાચવીને રાખજો. ગયા વખતે તે ફ્રીઝમાંથી મળ્યા હતા.

૪- કામવાળીને પગાર આપી દીધો છે…તમારે વધારે અમીરી બતાવવાની જરૂરત નથી.

૫- સવાર સવારમાં પડોશી ને એમ કહીને ખલેલ પહોંચાડતા નહીં “અમારે આજે છાપુ નથી આવ્યું તમારે આવ્યુ “ ?

આપણો અને તેમનો છાપા વાળો જુદા છે.

અને હા, આપણો ધોબી અને દુધવાળો પણ જુદા જ છે.

૬- તમારા નિકર અને ગંજી કબાટની ડાબી બાજુએ છે.. જમણી બાજુએ છોકરાઓના છે… ગઈ વખતની જેમ કહેતા નહી કે કામ કરતી વખતે હું અનકમ્ફર્ટ અનુભવતો હતો…

૭- તમારા બધાજ મેડીકલ રીપોર્ટ આપણે ગયા અઠવાડીયે કરાવી લીધા છે અને બધાજ નોર્મલ છે….

૮- મેં દસ દિવસ માટે *વાઇ-ફાઇ* બંધ કરી દીધું છે એટલે નિરાંતે ઊંઘજો..

૯- મારા પિયર જવાથી મનમાં ને મનમાં ખુશ થઈને રાજી થવાની જરૂરત નથી કેમ કે આપણા પડોસીઓ બધાજ આ સમય દરમ્યાન બહારગામ જ છે…

છેલ્લે,

જરાપણ વધારે પડતી હોશિયારી કરવાની કોશીશ કરતાં નહીં…

હું ગમે ત્યારે તમને જાણ કર્યા સિવાય પાછી આવી શકુ છું.

હેપી વેકેશન…!!