મહાનતાનાં બીજ – Gujarati Varta

મહાનતાનાં બીજ: સફળ જીવન માટે જરૂરી ગુજરાતી મંત્રો અને પ્રેરણાત્મક કથાઓ.

યૂનાન દેશના એક ગામમાં રહેતો ગરીબ છોકરો એક દિવસ જંગલમાંથી લાકડાની ભરી લઇ પસાર થઇ રહ્યો હતો.

ત્યારે એક વિઘ્વાન અને ઋષી કક્ષાના પુરુષે જોયું કે એ નાનકડા છોકરાએ લાકડાનો ભરો ખુબ જ કલાત્મકરીતે બાંધ્યો હતો.

એમણે છોકરાને ઉભો રાખી ને પૂછ્યું, "બેટા, આ લાકડાનો ભરો તે જ બાંધ્યો છે?"

છોકરા એ જવાબ આપ્યો,"હા, આ લાકડાનો ભારો મેં જ બાંધ્યો છે!"

"શું તું એને ખોલીને ફરીવાર બાંધી શકીશ?"

"હા, કેમ નહિ!" બોલીને છોકરાએ ભારો ખોલી નાખ્યો; અને પછી બાંધવા લાગ્યો.

વિદ્વાન પુરુષે જોયું કે છોકરો ખુબ જ લગન, ધૈર્ય, અને સ્ફૂર્તિથી ભારો બાંધી રહ્યો છે. એમાં એને જરાય પણ કંટાળો આવતો નથી. એની અદભુત કલા માં ક્યાંય પણ ખામી નહોતી. ફરી એક વાર એ છોકરા એ ભારો કલાત્મક રીતે બાંધી ને બતાવ્યો.

વિઘ્વાન ખુશ થઇ ગયા. એમને છોકરાને કહ્યું કે,"તું મારી સાથે ચાલ! હું તને શિક્ષણ આપીશ અને આશ્રમમાં રાખીશ પણ ખરો…"

તે છોકરો માં-બાપની પરવાનગી લઈને એમની સાથે ચાલ્યો ગયો. વર્ષો પછી તે છોકરો ભણી ગણી ને યૂનાન દેશનો મહાન દાર્શનિક પાઈથાગોરસ બન્યો.

એ વિઘ્વાન જેને બાળકની ભીતર પડેલા મહાનતાનાં બીજને પારખી લઈને પલ્લવિત કાર્ય હતા એ હતા યૂનાન દેશના વિખ્યાત તત્વચિંતક અને જ્ઞાની ડેમોક્રીટ્સ.

સાર: આ કિસ્સાનો સાર એ છે કે નાના નાના કર્યોમાં જ મહાનતાના બીજ પડેલા હોય છે. અમુક માણસો અમુક કર્યો ને તુચ્છ સમજે છે. અમુક લોકોને એમના કામનો કંટાળો આવે છે. પણ આ સત્યઘટના એમના માટે બોધદાયક બની રહેશે. જો મહાન બનવું હોય તો દરેકે દરેક કાર્યને ખુબ લગન, મહેનત, અને ઈમાનદારી થી કરવા જોઈએ.